Revolta i ka ardhur tek dera e shtëpisë presidentit amerikan Donald Trump. Qindra manifestues të dhunshëm sulmuan forcat e sigurisë dhe ndërtesat përgjatë bulevardeve që shtrihen përqark Shtëpisë së Bardhë duke djegur disa prej tyre.<br /><br />Disa media amerikane shkruajnë se prej natës së të premtes, agjentët e shërbimeve sekrete e evakuuan Trumpin, familjarët e tij dhe disa zyrtarë të Shtëpisë së Bardhë në një bunker sekret për ta siguruar për çdo të papritur.<br /><br />Dita e gjashtë e protestave për vrasjen nga policia të afro-amerikanit Xhorxh Flloid i ka gjetur protestat të shtrira në të paktën 140 qytete të vendit. Në 40 prej tyre është shpallur gjendja e jashtëzakonshme dhe trupat rezervë të ushtrisë amerikane të Gardës Kombëtare, të gatshme për të ndërhyrë në trazira brenda vendit janë aktivizuar në 15 shtete federale dhe në kryeqytetin Uashington.<br /><br />Në media flitet për disa viktima e të plagosur gjatë këtyre ditëve, por ende nuk jepet një shifër e përgjithshme e saktë. Me mijëra po ashtu janë të arrestuarit, mes të cilëve edhe Kiara de Blazio, vajza e kryebashkiakut të Nju Jorkut, e cila u ndalua në protestat e Nju Jorkut. Mineapolis është qyteti i goditur më rëndë nga protestat. Ndërsa në Oklahoma policët u bashkuan me manifestuesit, në protestën kundër racizmit.<br /><br />Tv Klan<br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
